Ուկրաինացի քաղաքագետ Անդրեյ Դորոշենկոն ընկել է Կիեւի Սոլոմենսկի փողոցում շենքերից մեկի 9-րդ հարկից եւ տեղում մահացել, հաղորդում է ТСН-ն: Նա չէր ապրում այդ շենքում:
Ուկրաինայի ազգային ոստիկանությունը տեղի ունեցածը գնահատել է որպես դիտավորյալ սպանություն, հաղորդում է «112 Ուկրաինան»:
«Շտապօգնություն» է կանչել տեղի բնակիչ Անդրեյ Նազարենկոն: Վերջինիս խոսքով, քաղաքագետն ապրում էր մոտակայքում: «Ընկնելու պահը չեմ տեսել, բայց 9-րդ հարկում ոստիկանները պատուհանագոգին ոտնահետքեր են հայտնաբերել: Պայքարի հետքեր չեն հայտնաբերվել»,-ասել է Նազարենկոն:
Դորոշենկոն քաղաքական գիտությունների թեկնածու էր, 2009-2010 թվականներին աշխատել է Կիեւի գլոբալ ռազմավարության ինստիտուտում, 2011-ից Առաջատար իրավական նախաձեռնությունների կենտրոնի փորձագետ էր: