Android օպերացիոն համակարգի հին տարբերակներով (4.0.3-ից 4.4.4) սմարթֆոն ունեցողները նոր վիրուսի են բախվել, որն արգելափակում է սարքի էկրանն ու գաջեթի տիրոջից գումար պահանջում ապարգելափակման համար: Այս մասին նշված է ամերիկյան The Blue Coat Labs ընկերության պաշտոնական բլոգում:
Սպառնալիքը հայտնաբերել է ընկերության աշխատակից Էնդրյու Բրանդտը: Նրա խոսքով, վարակված գաջեթում Cyber.Police պարունակող վնասակար հավելված է ներբեռնվում:
Ըստ Lenta, դրանից հետո Cyber.Police-ը սմարթֆոնի տիրոջից պահանջում է 100 դոլար արժողությամբ երկու Apple iTunes նվեր-քարտ գնել: Հաքերները վճարման այս միջոցն ընտրում են՝ իրենց բանկային հաշիվների տվյալները չհրապարակելու համար:
