Հայաստանի եւ Ադրբեջանի նախագահների հանդիպում դեռ չի պլանավորվում, սակայն ռազմական գծով կողմերի միջեւ շփումները շարունակվելու են։ Այս մասին ապրիլի 27-ին ասել է ԵԱՀԿ-ում ՌԴ մշտական ներկայացուցիչ Ալեքսանդր Լուկաշեւիչը։
«Ես նման հանդիպման մասին ոչինչ չեմ լսել՝ հաշվի առնելով, որ հակամարտության գոտում լարվածության բռնկում է տեղի ունեցել, որը շատ է հետ մղել կողմերի միջեւ ուղիղ երկխոսության հնարավորությունը։ ՌԴ միջնորդությամբ հաջողվել է դադարեցնել այդ բախումները, եւ ռազմական գծով ձեռք բերված պայմանավորվածությունները հնարավորություն են ստեղծել քաղաքական բնույթի հետագա քայլեր ձեռնարկել։ Խոսքը հրադադարի ռեժիմի ամրապնդման համար ռազմական գծով շփումները շարունակելու մասին է»,- ասել է Լուկաշեւիչը, փոխանցում է «ՌԱԻ Նովոստի»-ն։
