Հայաստանի եւ Լեռնային Ղարաբաղի միջեւ ռազմական փոխօգնության պայմանագիրը մշակման փուլում է։ Այդ մասին խորհրդարանում հայտարարել է Հայաստանի ԱԳ նախարար Էդվարդ Նալբանդյանը։
«Դուք պետք է լավ իմանաք, որ դա այնքան էլ հեշտ գործընթաց չէ, այն փորձագիտական եւ այլ աշխատանք է պահանջում։ Երբ աշխատանքն ավարտվի, համապատասխան կառույցները կհայտնեն իրենց կարծիքը։ Կգա ժամանակն այդ պայմանագիրը ստորագրելու, կիրականացվի»,- ասել է Նալբանդյանը։
Հիշեցնենք, որ Ադրբեջանի կողմից ռազմական ագրեսիայից հետո ՀՀ նախագահը ԱԳՆ-ին հանձնարարեց կապ հաստատել ԼՂՀ ԱԳՆ-ի հետ՝ սեղմ ժամկետներում ռազմական փոխօգնության պայմանագիր կնքելու համար։
