Քուրդ աշխարհազորայինները Սիրիայում Ռուսաստանի իշխանությունների ներկայացուցիչներին են հանձնել ավագ լեյտենանտ Ալեքսանդր Պրոխորենկոյի մարմինը, որը զոհվել էր Պալմիրայի մոտակայքում։ Այս մասին «ՌԻԱ Նովոստի»-ին հայտնել է քրդական «Ժողովրդական պաշտպանության ջոկատների» ներկայացուցիչ Ռիդուր Խալիլը։
«Քուրդ ժողովրդի պաշտպանական ջոկատները ՌԴ կառավարության խնդրանքով կարողացել են ստանալ ռուս զինվորականի մարմինը, որին սպանել էին Թադմորի (Պալմիրա) մոտ։ Պայմանավորվածությունը ձեռք է բերվել ԻՊ-ի հետ մեր բանակցությունների շնորհիվ»,- ասել է Խալիլը։
Հիշեցնենք, որ ավագ լեյտենանտ Ալեքսանդր Պրոխորենկոն զոհվել էր մարտի 24-ին Սիրիայում՝ Պալիմիրայի մոտ ահաբեկիչներին դիրքերին ավիահարվածներ հասցնելու ժամանակ։
