Սիրիայում ցամաքային գործողություն սկսելու կոչերը պիտի կասեցվեն: Այդ մասին հայտնել է ՌԴ արտգործնախարար Սերգեյ Լավրովը Սիրիայի հարցով ՄԱԿ-ի հատուկ դեսպանորդ Ստեֆան դե Միստուրայի հետ բանակցություններն ամփոփող մամուլի ասուլիսին, հայտնում է «ՌԻԱ Նովոստին»:
«Ռուսաստանին, եւ ոչ միայն մեզ, անհանգստացնում են թուրքական կողմի գործողությունները սիրիական տարածքի գնդակոծման ուղղությամբ եւ անվտանգության գոտիները, որոնք շարունակում են ստեղծվել Սիրիայում, էլ չասած գնալով ավելի հաճախացող կոչերին` ցամաքային գործողություն սկսելու: Մենք համոզված ենք, որ նման կոչերով հանդես են գալիս նրանք, ովքեր շահագրգռված չեն իրական քաղաքական կարգավորմամբ, ովքեր խաղադրույք են անում ուժային լուծման վրա», — ասել է Լավրովը Սիրիայի հարցով ՄԱԿ-ի հատուկ հանձնակատար Ստեֆան դե Միստուրայի հետ բանակցությունների արդյունքներն ամփոփող մամուլի ասուլիսին:
«Համոզված ենք, որ դա ուղի է դեպի աղետալի իրավիճակ եւ նման կոչերը պիտի կասեցվեն», — հավելել է նա: