Իրաքի պատգամավորները շարունակում են բոյկոտն ու հույս ունեն, որ դատարանը կհաստատի խորհրդարանի խոսնակի ու պրեզիդիումի հրաժարականը, այս մասին Sputnik գործակալությանը հայտնել է անկախ պատգամավոր Իսկանդեր Վիտվիտը:
Իրաքյան խորհրդարանում պառակտումը սկսվել է կառավարության նոր կազմը որոշելու ընթացքում ծագած տարաձայնությունների պատճառով: Բոյկոտի նախաձեռնողը «ալ Ահրար» շիա բլոկի անդամներն էին, որոնց գաղափարակիրը կրոնական առաջնորդ Մուկտադա աս Սադրն է: Խռովարարները հայտարարել են, որ պատգամավորների կեսից շատն իրենց կողմից են:
Ապրիլի 14-ին իրենց նիստի ժամանակ ընդդիմադիրները քվեարկել են խորհրդարանի խոսնակ Սալիմ ալ Ջաբուրիի հրաժարականի օգտին: Նա այդ որոշումը ոչսահմանադրական է անվանել՝ հայտարարելով, որ խռովարարները իրականում քվեարկության համար անհրաժեշտ քվորում չունեին:
Վիտվիտն ասել է, որ իրենք հատուկ պատգամավորական հանձնաժողով են ստեղծել որը պետք է ուսումնասիրի դաշնային դատարանին դիմելու հնարավորությունը:
Իրաքում զանգվածային ցույցերի մասնակիցները կոչ են արել կառավարությանը հրաժարական տալ՝ նրանց մեղադրելով կոռուպցիայի մեջ, նաեւ պահանջում էին հրաժարվել դավանանքային քվոտաների սկզբունքով իշխանական մարմիններ ձեւավորելուց ու անկախ տեխնոկրատներին նշանակել նախարարներ:
