Երեւանյան ավտոկայանատեղիներում ծայրաստիճան կոշտ վճարման համակարգ է, այս մասին մայիսի 6-ին լրագրողներին հայտնել է «Սպառողների խորհրդատվության կենտրոն» ՀԿ-ի ղեկավար Կարեն Չիլինգարյանը: Վճարը պահանջում են նախօրոք, կայանելուց առաջ, իսկ մի րոպեով ուշանալը նշանակում է 5 հազար դրամի տուգանք: Եթե նույնիսկ վարորդը ընդամենը 100 դրամ չի վճարել, միեւնույն է դա ոչինչ չի փոխում: Պետք է նույն 5 հազարը վճարի: Այսինքն 50 անգամ շատ: Իսկ եթե ես չեմ հասցրել վճարել մինչեւ կայանե՞լը: Ի՞նչ անեմ: Ուրեմն հենց մեքենա նստեմ, պետք է հեռախոսս վերցնեմ, մի ձեռքով ղեկը պտտեմ, մյուսով էլ՝ հեռախոսի կոճակները սեղմեմ ու կայանելու համար փո՞ղ փոխանցեմ: Ձեզ նման բան դուր կգա՞ր: Ես կարծում եմ, որ առանց իր եկամուտների տեսակետից վնաս կրելու կայանատեղիների օպերատորը պետք է կայանելուց հետո վճարելու համար ինչ -որ ողջամիտ ժամկետ տա: Պետք չէ նրան նման անվերապահ տուգանքներ թույլ տալ »,- ասել է Չիլինգարյանը:
Հիշեցնենք, որ Երեւանում վճարովի ավտոկայանատեղիների օպերատորը «Սիթի Սերվիս փարքինգ» ՓԲԸ –ն է՝ քաղաքապետարանի թույլատվությամբ:
