Ապրիլյան արկածախնդրությունից հետո այս փուլում կարելի է խոսել անհապաղ միջոցառումներ ձեռնարկելու մասին, որպեսզի ռազմական գործողություններ եւ խախտումներ չլինեն: Այս մասին «Էխո Մոսկվի»-ին տված հարցազրույցում հայտարարել է ՀՀ ԱԳ փոխնախարար Շավարշ Քոչարյանը:
Դրանից հետո, ըստ փոխնախարարի, հնարավոր կլինի անցնել խաղաղ բանակցային գործընթացի, որում շահագրգռված են հայկական երկու կողմերը:
Նկատառմանը, արդյո՞ք դա տասնամյակի հարց է, Շավարշ Քոչարյանը պատասխանել է. «Դա կախված է կողմերի կառուցողականությունից: Եթե Ադրբեջանն առաջնորդվի «կա՛մ ամեն ինչ, կա՛մ ոչինչ», «կա՛մ ամեն ինչ, կա՛մ պատերազմ» սկզբունքով, իհարկե, ոչինչ չի ստացվի, իսկ ռազմական սպառնալիքները միայն կերկարաձգեն խնդրի լուծումը»:
