Վիեննայում ընդլայնված մասշտաբով հանդիպումը ցույց տվեց, որ Ադրբեջանը գործնականում դեմ է խաղաղության գործընթացին։ Այս մասին մայիսի 20-ին՝ խորհրդարանական ճեպազրույցների ժամանակ, ասել է ՀՅԴ խմբակցության ղեկավար Արմեն Ռուստամյանը։
Նրա խոսքով՝ չի կարելի բանակցություններում խոսել խաղաղությունից, իսկ հետո մարտական գործողություններ վարել։ Հայկական կողմի սխալն այն է, որ նման երկակի ստանդարտների վրա չի հրավիրել մյուսների ուշադրությունը։ «Ժամանակն է պարզ ասել. եթե մենք բանակցում ենք, գնդացրերն ու հրտենաին պետք է լռեն։ Ադրբեջանը հայտարարում է, որ համաձայն է դրան, եթե Հայաստանը դուրս բերի իր զորքերը մի շարք շրջաններից։ բայց պետք չէ բանակցությունների մեկնարկի պայմանները խառնել դրանց բովանդակության հարցերի հետ։ Դրանք 2 տարբեր հասկացություններ են»,- նշել է Ռուստամյանը։