Ռուսաստանն ու ԱՄՆ-ը սկսել են Սիրիայում համատեղ գործողությունների շուրջ բանակցությունները։ Ռուսաստանն առաջարկում է համատեղ հարվածներ սկսել «Ջաբհաթ Ան Նուսրա» եւ այլ ապօրինի խմբավորման դիրքերին։ Այս մասին հայտնել է ՌԴ պաշտպանության նախարար Սերգեյ Շոյգուն։
«Մենք ԱՄՆ-ին առաջարկում ենք որպես Սիրիայի աջակցության միջազգային խմբի համանախագահ՝ մայիսի 25-ին սկսել Ռուսաստանի Օդատիեզերական ուժերի եւ ԱՄՆ ղեկավարած կոալիցիայի կողմից համատեղ գործողություններ իրականացնել «Ջաբհաթ Ան Նուսրա» եւ այլ ապօրինի խմբավորումների ջոկատներին, որոնք չեն պաշտպանում մարտական գործողությունների դադարեցման ռեժիմը»,- ասել է Շոյգուն։
Նրա խոսքով՝ անհրաժեշտ է բացառել բնակավայրերի եւ այլ քաղաքացիական օբյեկտների վրա հարվածները, հայտնում է «ՌԻԱ Նովոստի»-ն։
