Ճապոնիայի Կյուսյու կղզու Կումամոտո պրեֆեկտուրայում 92 վայրում սողանքի վտանգ է հայտնաբերվել, որտեղ ապրիլի կեսերին ավերիչ երկրաշարժերի շարք էր տեղի ունեցել, որոնց հետցնցումները մինչ օրս շարունակվում են, հաղորդում է «ՌԻԱ Նովոստին»՝ վկայակոչելով «Ասահին»:
Նրա տվյալներով, վտանգավոր շրջաններում սողանքներից պաշտպանվելու համար «անհրաժեշտ են արտակարգ միջոցառումներ» մինչեւ անձրեւների սեզոնի սկիզբը, որը Կյուսյուում կարող է սկսվել արդեն հունիսի 5-ին:
Կումամոտո եւ Օիտա պրեֆեկտուրաներում ապրիլի 14-ին հզոր 6,5 մագնիտուդով երկրաշարժ էր տեղի ունեցել, որից երկու օր հետո էլ ավելի ուժեղ երկրաշարժ է գրանցվել:
Երկուշաբթի, ըստ ճապոնացի սեյսմոլոգների, Կուկամոտոյում 2,6 մագնիտուդով երկրաշարժ է գրանցվել: