Ուժեղ քամին Շենգավիթում լուրջ վնասներ է հասցրել. մասնավորապես, Մայիսի 9-ի փողոցում տան տանիքն ամբողջությամբ պոկվել ու հակառակ կողմով ընկել փողոցի կենտրոնում՝ մասամբ արգելափակելով երթեւեկությունը: Տանիքն ընկել է ընթացող մեքենաներից մեկի վրա եւ վնասել աջակողմյան հայելին ու ամբողջ աջ կողմը: (ֆոտոռեպորտաժ)
Բացի այդ, հոսանքի լարերը մոտ 200 մետր պոկվել են ու ընկել փողոցում:
Շենգավիթի Կողբի փողոցում քամու ժամանակ հոսանքի լարերի ընկնելու հետեւանքով տներից մեկում հրդեհ է բռնկվել: Նույն փողոցում մի քանի տների տանիքները եւս քամին պոկել է:
Բացի այդ, Արշակունյաց փողոցում, Առաջին մաս գնացող հատվածում եւս տանիքն ընկել է մեքենայի վրա:
