Քաղաքական գործիչ Բորիս Նեմցովի սպանության պահին հանցագործները երեք անգամ զանգահարել են իրար: Պարզվել է նրանք հանցագործությունից մեկ շաբաթ առաջ էին սկսել օգտվել նոր սիմ քարտերից ու հեռախոսներից, հայտնում է «Ռոսբալտը» վկայակոչելով իր աղբյուրը:
Աղբյուրի տեղեկություններով՝ Ռուսաստանի ՔՀ աշխատակիցները պարզել են, որ ընդհուպ մինչեւ 2014-ի փետրվարի 14-ը հանցագործները օգտագործել են երկու սիմ քարտ, որոնք դրված են եղել նոր հեռախոսների մեջ: Հեռախոսները ձեւակերպված էին երրորդ անձանց անունով:
Գործի նյութերի քննությունից պարզվում է, որ քաղաքական գործչի նկատմամբ լրտեսությունը անսպասելիորեն դադարեցվել է ու վերսկսվել արդեն 2015-ի փետրվարի 21-ին: Օպերատիվ աշխատակիցներն ու քննիչները պարզել են, որ այդ օրը հանցագործները սկսել են այլ սարքեր ու սիմ քարտեր օգտագործել:
Ընդ որում նշում են, որ քաղաքական գործչի սպանությունից որոշ ժամանակ առաջ, երբ Նեմցովը ԳՈՒՄ-ում հանդիպել էր Աննա Դուրիցկոյի հետ, Կարմիր հրապարակում «որսացել են» այդ հեռախոսների միջեւ երկու միացում, իսկ սպանության պահին սիմ քարտի օգտատերերը իրար զանգահարել են արեն Մեծ Մոսկվորեցկի կամուրջի տարածքում: