Ոստիկանությունն սկսել է պարեկել Բորիսովյան գերեզմանատան մոտ Բրատեեւոյում, որտեղ մարտի 1-ին տեղի է ունենալու Նավալնու թաղումը, տեղեկացրել է RusNews-ի թղթակիցը։

Նրա տվյալներով՝ գերեզմանատան կողքին ոստիկանները երկու-երեք հոգով պարեկում են իրականացնում։ Մուտքի մոտ պատրաստվել են մետաղական պատնեշներ, յուրաքանչյուր սյան վրա տեղակայվել են տեսախցիկներ։ Դրանց մասին դեռ փետրվարի 6-ին գրել էր «Осторожно, новости» Թելեգրամ-ալիքը։

«Можем объяснить» Թելեգրամ-ալիքը գրել է, որ ոստիկանության ուժեղացված վերակարգերը հերթապահում են Բորիսովո մետրոյի մուտքի մոտ։ Գերեզմանատան մուտքի մոտ կանգնած են ոստիկանության երկու աշխատակիցներ, կողքին՝ ոստիկանական փոքրիկ մեքենա, տեղեկացրել է «Можем объяснить»-ի թղթակիցը։

Գերեզմանատան մուտքի մոտ, ինչպես տեղեկացնում է «Можем объяснить»-ի թղթակիցը, ոստիկանության աշխատակիցները հարցնում են անձնագիր եւ խնդրում բացատրել այցի նպատակը, ինչպես նաեւ զննում են անձնական իրերը՝ դա բացատրելով «ահաբեկչական գործողությունների կանխման» անհրաժեշտությամբ։