Կրեմլը չի մեկնաբանել Ալեքսեյ Նավալնու հուղարկավորությունը, քանի որ կարծում է, որ այս թեմայով ավելին ասելու բան չկա։ Լրագրողների հետ շփման ժամանակ այս դիրքորոշումն է ներկայացրել ՌԴ նախագահի մամուլի քարտուղար Դմիտրի Պեսկովը, տեղեկացրել է ՏԱՍՍ-ը։
«Դուք գիտեք, որ մենք այս թեմայով շատ բան չենք ասել։ Եվ կարծում ենք, որ ավելին ասելու բան չունենք այս թեմայով»,- ասել է Կրեմլի ներկայացուցիչը՝ պատասխանեկով Նավալնու հուղարկավորությունը մեկնաբանելու հարցին։
Փետրվարի 16-ին ՌԴ Պատիժների կատարման դաշնային ծառայության Յամալ-Նենեցկյան ինքնավար օկրուգի վարչությունը տեղեկացրել էր գաղութում Նավալնու մահվան մասին։