Շվեդական խորհրդարանը՝ Ռիկսդագը, հավանության է արժանացրել պայմանագիրը, որը ՆԱՏՕ-ին իրավունք է տալիս Արագ արձագանքման ուժերի (NRF) զինվորականների տեղակայել Թագավորության տարածքում: Ըստ ՏԱՍՍ-ի, փաստաթղթին կողմ է քվեարկել 291 պատգամավոր, դեմ՝ 21-ը:
Պայմանագիրը ենթադրում է զինվորականների տեղափոխման ժամանակ Շվեդիայի կողմից ցամաքում, ծովում կամ օդում Արագ արձագանքման ուժերի անվտանգության ապահովում: Ենթադրվում է, որ Թագավարությունը պետք է անհրաժեշտ պայմաններ ստեղծի ապահովման եւ լոգիստիկայի ծառայությունների աշխատանքի համար, օրինակ՝ պարենի կամ զինամթերքի մատակարարումներ իրականացնի:
Որպես կանոն, նման պայմանագրերը նախ հավանության է արժանացնում Ռիկսդագը, այնուհետեւ Կառավարությունը կնքում է այն: Բայց այս անգամ ավանդույթը խախտվել է: Նախարարների կաբինետը պայմանագիրը կնքել է 2014 թվականի խորհրդարանական ընտրությունների նախաշեմին՝ առանց լայն քննարկումների եւ պատգամավորների հավանության, այդ պատճառով այն մինչեւ հիմա ուժի մեջ չի մտել:
