Իտալիայի իրավապահ մարմինները ձերբակալել են Աֆրիկայից Եվրոպա Միջերկրական ծովով ներգաղթյալների տեղափոխության մեջ կասկածվող 4 մարդու, հայտնում են տեղի լրատվամիջոցները:
Պալերմոյում ձերբակալվել է 2 սենեգալցի: Ոստիկաններն ու ֆինանսական գվարդիայի ներկայացուցիչները նրանց գտել էին ծովում փրկված ներգաղթյալների ցուցմունքների շնորհիվ: Նրանց Սիցիլիա էին տեղափոխել Իտալիայի ՌԾՈւ նավերով: Ձերբակալվածները անմիջական մասնակցություն են ունեցել Լիբիայի Սաբրաթա քաղաքից 500 ներգաղթյալներով 8 նավակ ուղարկելու գործում:
Գրեթե միաժամանակ ոստիկանությունը Ռեջո դի Կալաբրիա քաղաքում ձերբակալել է եւս 2 մարդու, որոնք կազմակերպել էին 2 հազար լիբիացու տեղափոխությունը Իտալիա: Նրանց մատնանշել էին փախստականները, որոնց փրկել էին մայիսի 29-ին Vega նավով:
Ավելի վաղ հաղորդվում էր, որ Պոցցալլո նավահանգստում ձերբակալվել է մեկ սուդանցի, որը կազմակերպել էր Սիցիլական նեղուցում փրկված ներգաղթյալների տեղափոխությունը Եվրոպա:
