ՆԱՏՕ-ի գլխավոր քարտուղար Յենս Սթոլթենբերգը հայտարարել է, որ Լեռնային Ղարաբաղում ապրիլյան իրադարձությունների ժամանակ լուռ չի մնացել:
«Ես վճռականապես աջակցել եմ նախաձեռնություններին, որոնք ուղղված են բանակցությունների միջոցով քաղաքական կարգավորման ձեռքբերմանը, ինչպես նաեւ վճռականորեն աջակցել եմ հրադադարի պահպանման ջանքերին»,- ասել է Սթոլթենբերգը՝ պատասպանելով Վարշավայի համալսարանի հայ ուսանողուհու հարցին, թե ինչու ՆԱՏՕ-ի բոլոր անդամ երկրները լուռ մնացին ադրբեջանցի զինվորների կատարած վայրագությունների պարագայում:
ՆԱՏՕ-ի գլխավոր քարտուղարը հիշեցրել է, որ ինքը Ղարաբաղի հարցով հայտարարություն է արել եւ հիշեցրել է հակամարտության քաղաքական լուծման կարեւորության մասին:
«Ես չեմ հավատում ռազմական լուծմանը: Ես չեմ կարծում, որ մեզ ավելի շատ զորքեր են պետք կամ ավելի շատ ռազմական ներկայություն, բայց մեզ ուժեղ աջակցություն է պետք»,- ասել է նա՝ կոչ անելով ներգրավված կողմերին պահպանել հրադադարի ռեժիմը:
