Ջրվեժում գտնվող գիշերային ակումբում մայիսի 30-ի գիշերը ծեծկռտուք է տեղի ունեցել, որի ժամանակ երկու հաճախորդ բերման են ենթարկվել: NEWS.am-ին հայտնի է դարձել, որ երկու երիտասարդ հաճախորդ ակումբում զվարճանալուց հետո որոշել են հեռանալ առանց հաշիվը վճարելու, ինչի պատճառով վիճաբանություն է ծագել նրանց եւ աշխատակիցների միջեւ:
Հաճախորդները համառորեն հրաժարվել են վճարել, ապա հայհոյել ու սպառնալիքներ տեղացել: Ակումբի աշխատակիցները ստիպված ահազանգել են իրավապահներին, որոնք բերման են ենթարկել նրանց: Մենք տեղեկացանք, որ դեպքը տեղի է ունեցել «Դիվա» ակումբում: Կատարվում է քննություն:
Մայիսի 30-ին ժամը 06.30-ի սահմաններում, «Դիվա» գիշերային ակումբում ոչ սթափ վիճակում գտնվող 2 անծանոթ քաղաքացիներ օգտվել են ակումբի ծառայություններից եւ ցանկացել են առանց գումարը վճարելու հեռանալ ակումբից, որոնց հաստատության աշխատակիցը թույլ չի տվել եւ պահանջել է վճարել գումարը: Հաճախորդներից մեկն իրեն պահել է լկտի, հայհոյել է: Կատարվում է հետաքննություն:
