Թաիլանդի ռազմական իշխանությունները հանել են մեծ խմբով այլախոհների (ակտիվիստներ եւ ընդդիմադիր քաղաքական գործիչներ) համար սահմանված երկրից դուրս գալու արգելքը: Այդ գործիչները «սեւ ցուցակներում» էին հայտնվել 2014-ի ռազմական հեղաշրջումից հետո:
Ելքի թույլտվությունը վերաբերում է միայն այն այլախոհներին, որոնց դեմ հրամանի պահին դատական գործ կամ հետաքննություն չի ընթացել: Դա ավտոմատ կերպով բացառում է նախկին վարչապետ Յինգլակ Չինավաթին, որի կառավարությունը տապալվել էր հեղաշրջմամբ, նրա կառավարության նախարարների մեծ մասին եւ 2014-2016թթ. բողոքի ակցիաներ կազմակերպած ուսանող ակտիվիստներին:
Դիտորդների կարծիքով ռազմական իշխանությունները «թեթեւացնում» են հակակառավարական ուժեր իզսպման միջոցները սահմանադրական փոփոխությունների հանրավքեի նախաշեմին, որը կկայանա օգոստոսի 7-ին:
