Բրյուսելում հունիսի 21-22-ին, կայացել է Հայաստանի Հանրապետության եւ Եվրոպական միության միջեւ նոր շրջանակային համաձայնագրի շուրջ բանակցությունների չորրոդ փուլը։
ԱԳՆ-ից NEWS.am-ին հայտնում են, որ հայկական պատվիրակությունը գլխավորում էր ԱԳ նախարարի տեղակալ Կարեն Նազարյանը։ Մասնակցում էին նաեւ ԵՄ֊ում Հայաստանի եւ ՀՀ֊ում՝ Եվրոպական միության դեսպանները, ինչպես նաեւ ՀՀ ԱԳՆ եւ ԵՄ պաշտոնյաներ։
Քննարկվեցին համաձայնագրի նախագծի քաղաքական երկխոսության, բարեփոխումների, արդարադատություն եւ ազատությունների բաժինների դրույթները։
Բանակցությունների վերջում տեղի ունեցավ լիագումար նիստ, որի ընթացքում կողմերն ամփոփվեցին քաղաքական, ոլորտային համագործակցության, առեւտրի ու ներդրումների բաժինների շուրջ բանակցությունների արդյունքները եւ նախանշեցին հաջորդ փուլի քննարկումների շրջանակը։
Բանակցությունների հաջորդ փուլը տեղի կունենա Երեւանում` այս տարվա աշնանը։