ԵԱՀԿ Մինսկի խմբի համանախագահները կշարունակեն աշխատանքը հակամարտության կողմերի հետ հետաքննությունների մեխանիզմի ձեւավորման առաջարկի ու կարգավորման տարրերի շուրջ, որպեսզի ընդհանուր խնդիրների շուրջ առաջընթաց լինի: Այդ մասին 168.am-ի հետ զրույցում ասել է ԵԱՀԿ Մինսկի խմբի ամերիկյան համանախագահ Ջեյմս Ուորլիքը:
Հարցին, թե կոնկրետ ի՞նչ է իրենից ներկայացնելու այդ մեխանիզմը, ինչպե՞ս, որտե՞ղ է գործելու, եւ ի՞նչ ուժեր են դրանք գործարկելու Ղարաբաղում, Ուրոլիքը պատասխանել է. «Հետաքննությունների մեխանիզմի հետ կապված մանրամասները, օրինակ՝ այն, թե ինչպիսի առաջադրանք կիրականացնեն հետաքննիչները, ինչ հանգամանքներում նրանք կտեղակայվեն շփման գծում եւ հայ-ադրբեջանական սահմանին, դեռեւս քննարկվում է կողմերի միջեւ: Այդ մեխանիզմի ներդրման հարցով պատասխանատու կազմակերպությունը կլինի ԵԱՀԿ-ն, իսկ Եռանախագահները՝ որպես ԵԱՀԿ միջնորդներ, կշարունակեն աշխատել կողմերի հետ՝ առաջարկները հղկելու ուղղությամբ»:
Առավել մանրամասն սկզբնաղբյուր կայքում