Սոմալիի ոստիկանությունը հայտնել է, որ մայրաքաղաք Մոգադիշոյում «Աշ Շաբաբի» գրոհայինների իրականացրած հարձակման հետեւանքով զոհվել է 15, վիրավորվել 25 մարդ, հայտնում է CNN–ը։
Զոհվածների եւ վիրավորների մեծ մասը խաղաղ բնակիչներ են՝ պատահական անցորդներ եւ մոտակա խանութների հաճախորդներ, հայտնել է ոստիկանության ներկայացուցիչ Մուհամմեդ Աբդուլքադիրը։
Ավելի վաղ հաղորդվում էր, որ «Աշ Շաբաբը» ստանձնել է Nasa-Hablod հյուրանոցի վրա հարձակման պատասխանատվությունը։ Նախնական վարկածով՝ գրոհայինները պայթեցրել էին հյուրանոցի մուտքի մոտ կայանած մեքենան։
