Այսօր՝ հունիսի 26-ին ավարտվում է Հռոմի պապ Ֆրանցիսկոսի այցը Հայաստան։ Կաթոլիկ եկեղեցու առաջնորդը առավոտյան ուղեւորվել է Սուրբ Էջմիածին, որտեղ հազարավոր հավատացյալներ են հավաքվել Պատարագի սպասումով։
NEWS.am-ը շարունակում է ներկայացնել օրվա հիմնական իրադարձությունների ժամանակագրությունը։
- Ամենայն հայոց կաթողիկոս Գարեգին Բ-ը Հռոմի Ֆրանցիսկոս Պապի մասնակցությամբ պատարագ է մատուցել Սբ Տրդատի տաճարի խորանի մոտ:
- Գարեգին Բ. Աշխարհը չի դադարում լինել կենտրոնը աստվածային սիրո եւ խնամատարության: (ֆոտոռեպորտաժ)
- Հռոմի Պապ. Հայ Եկեղեցին խաղաղությամբ ընթանա եւ մեր միջեւ խաղաղությունը կատարյալ լինի: Բոլորի մեջ ծնվի միության հզոր ցանկություն, այնպիսի միության, որ պետք չէ լինի ո՛չ ենթարկություն մեկը մյուսին, ո՛չ կլանում:
- Էջմիածնում պատարագից հետո փոքրիկ տղան Հայաստանի դրոշ նվիրեց Հռոմի Պապին:
- Հռոմի Պապն ու Ամենայն հայոց կաթողիկոսը համատեղ հայտարարություն են ստորագրել:
- Պոնտիֆիկոսի ավտոշարասյունն ուղեւորվեց Խոր Վիրապի վանք՝ հայ-թուրքական սահմանից ոչ հեռու:
- Հռոմի Պապն այցելեց Խոր Վիրապ, ծանոթացավ վանական համալիրին, զրուցեց հոգեւորականների հետ:
- Հռոմի Պապը աղավնիներ է բաց թողել դեպի Արարատ լեռը:
- Պոնտիֆիկոսն հանդիպել է Հայ Առաքելական եկեղեցու պատվիրակությունների հետ:
- Հռոմի Ֆրանցիսկոս Պապը հրաժեշտ տվեց Հայաստանին: Երեւանի «Զվարթնոց» օդանավակայան էին ժամանել Ամենայն Հայոց Գարեգին 2-րդ կաթողիկոսը, նախագահ Սերժ Սարգսյանն ու առաջին տիկին Ռիտա Սարգսյանը: Հրաժեշտի արարողությունից հետո հնչեցին Հայաստանի եւ Վատիկանի պետական օրհներգերը: Հովվապետը ձեռքով ողջունեց անձնակազմի անդամներին եւ օդանավ բարձրացավ:
- Թռիչքից մի քանի րոպե անց Սրբազան Հովվապետը գրառում է կատարել իր միկրոբլոգում. «Երջանիկ եմ, որ այցելեցի Հայաստան՝ առաջին քրիստոնյա երկիր: Շնորհակալ եմ ընդունելության համար»:
- Այցելություն առաջին քրիստոնյա երկիր. Ֆրանցիսկոս Պապը Հայաստանում է (ժամանակագրություն, ֆոտո)
- Հռոմի պապի Հայաստան այցի ամենահետաքրքիր պահերը. Օր երկրորդ (ֆոտո, վիդեո)
