Մոսկվայի նախկին քաղաքապետ Յուրի Լուժկովը դարձել է Ռուսաստանի Կոմկուսի կողմից պատգամավորի թեկնածու Վլադիմիր Կոմոեդովի վստահված անձը, որն առաջին տեղն է զբաղեցրել Ղրիմում, Սեվաստոպոլում ու Կալինինգրադի շրջանում կոմունիստների ցուցակում: Այս մասին հայտնում է RNS –ը՝ վկայակոչելով Պետդումայի պաշտպանության հարցերով հանձնաժողովում իր աղբյուրները:
«Տեղեկացնում եմ ձեզ, որ համաձայն եմ դառնալ ձեր վստահված անձը Պետդումայի վեցերորդ գումարման ընտրություններում պատգամավորների ընտրություններին ու թույլ եմ տալիս օգտագործել իմ արտահայտությունները, լուսանկարները, արխիվային տեսաֆիլմերը ու իմ մասնակցությամբ այլ ստեղծագործություններ, այդ թվում նախընտրական քարոզչության համար իմ հեղինակած գրքերը»,- ասվում է ծովակալ Կոմոեդովին ուղղված Լուժկովի նամակում:
Ընդ որում Կոմոեդովը Լուժկովին անվանել է «Սեվաստոպոլն ու Ղրիմը Ռուսաստանի կազմ վերադարձնելու գլխավոր ջատագովը» ու դիմել է Սեւաստոպոլի նահանգապետ Սերգեյ Մենյայլոին՝ խնդրելով մայրաքաղաքի նախկին քաղաքապետին շնորհել «Սեվաստոպոլ քաղաքի պատվավոր քաղաքացու» կոչումը:
Մայիսին Մոսկվայի նախկին քաղաքապետ Յուրի Լուժկովը հայտնել էր, որ մտադիր չէ վերադառնալ քաղաքականություն: