ՆԱՏՕ-ին Վրաստանի անդամակցումը «երբ»-ի հարց է, ոչ թե «եթե»-ի: Այդ մասին հայտնել է Վրաստանի Ատլանտյան խորհրդի փոխնախագահ Բատու Կուտելիան ինտերնետային մամուլի ասուլիսի ընթացքում, որը «Ռեգիոն» հետազոտական կենտրոնը կազմակերպել էր հայկական լրատվամիջոցների համար:
Այն հարցին, թե Վրաստանն այսօր որքանով է համապատասխանում ՆԱՏՕ-ի ստանդարտներին եւ ինչու է ձգձգվում Թբիլիսիի հնարավոր անդամակցումն այդ Դաշինքին, Բատու Կուտելիան պատասխանել է. «Վրաստանը ինչպես քաղաքական, այնպես էլ ռազմական առումով պատրաստ է անդամակցման բանակցություններ սկսել եւ ՆԱՏՕ-ի անդամ դառնալ ՆԱՏՕ-ի Բուխարեստի գագաթնաժողովի որոշմանը համապատասխան: ՆԱՏՕ-ին անդամակցման գործընթացը շատ կարեւոր եւ գործիքային է եղել Վրաստանում պետական կառավարման համար: Այժմ դաշնակիցների հետ մենք աշխատում ենք վերջնական քաղաքական որոշման վրա: Այդ որոշումը կախված չէ եւ կախված չի լինչ գործընթացը խարխլելու ռուսական փորձերից»:
