Թուրքիայի նախագահ Էրդողանի կողմից ներողություն խնդրելու հետո Մոսկվայի եւ Անկարայի հարաբերությունների կարգավորման արդյունքներից մեկը կարող է դառնալ զբոսաշրջիկների հոսքի վերականգնումը: Ըստ ՌԲԿ-ի, նման ակնկալիքներ ունեն Տուրարդյունաբերության ռուսական միությունում:
«Մենք հրճվանքից ճչացինք, քանի որ օբյեկտիվորեն ռուսական շուկայում Թուրքիայի պակասը շատ է զգացվում: Զբոսաշրջիկներն ու գործակալությունները տուժում են Թուրքիայի ուղղությունների բացակայության պատճառով: Հույս ունենք, որ հիմա Թուրքիայի ուղղության բացման առումով որեւէ որոշում կընդունվի»,- «Մոսկվան է խոսում» ռադիոկայանին տված հարցազրույցում հայտարարել է Միության մամուլի քարտուղար Իրինա Տյուրինան:
Նրա խոսքով, դեպի Թուրքիայի լիարժեք չարթերային թռիչքների վերականգնումը հնարավոր է շուրջ մեկ ամսվա ընթացքում: