Լիբանանի բանակը «Իսլամական պետություն» խմբավորման 5 ահաբեկիչների է ձերբակալել, որոնք խոշոր ահաբեկչություններ էին ծրագրում զբոսաշրջային վայրերում, հայտնում է Լիբանանի բանակի հրամանատարությունը, փոխանցում է ՌԻԱ Նովոստին»:
«Լիբանանի բանակի հատուկ ստորաբաժանումը կանխել է երկու շատ վտանգավոր ահաբեկչություն, որոնք ԻՊ զինյալները ծրագրում էին խոշոր զբոսաշրջային տեղանքում ու մարդկանց մեծ կուտակումների վայրում: Ձերբակալվել է հինգ ահաբեկիչ»,- ասվում է զինվորականների հայտարարության մեջ:
Զինված ուժերի հրամանատարությունը նաեւ հայտնել է, որ կալանավորվածներից մեկը ահաբեկչական գործողությունների կազմակերպիչն է: Ձերբակալվածները խոստովանել են, որ մինչ այդ էլ են լիբանանյան բանակի դեմ ահաբեկչություններ իրականացրել:
