ՀՀ կառավարությունը հուլիսի 21-ի նիստում հաստատեց գործադիր մարմնի 2014-ի հուլիսի 10-ի որոշման փոփոխությունները, որոնց համաձայն՝ պարզեցվում է Երեւանի մետրոպոլիտենի աշխատակիցների համար արտոնյալ պայմաններով թոշակների նշանակման գործընթացը։ Որոշման նախագիծը կառավարության նիստում ներկայացրեց աշխատանքի եւ սոցիալական հարցերի նախարար Արտեմ Ասատրյանը։
«Երեւանի Կարեն Դեմիրճյանի անվան մետրոպոլիտեն» ՓԲԸ տվյալներով՝ աշխատակիցներից երկուսը 2016-ին իրավունք են ստացել արտոնյալ պայմաններով թոշակ ստանալ, նրանցից յուրաքանչյուրը 36 տարվա աշխատանքային ստաժ ունի։ 2016-ի երկրորդ կիսամյակում նրանց թոշակը կկազմի ընդհանուր առմամբ 509520 դրամ (42460 դրամ ամսական կես տարվա ընթացքում յուրաքանչյուրի համար)։