ՌԴ արտգործնախարար Սերգեյ Լավրովը հայտարարել է, որ ԱՄՆ պետքարտուղար Ջոն Քերրիի հետ քննարկել է Սիրիայի շուրջ պայմանավորվածությունների իրականացման համար անհրաժեշտ քայլերը, հայտնում է «ՌԻԱ Նովոստի»–ն։
«Մենք այսօր քննարկել ենք այն, ինչ պահանջվում է անել, որպեսզի այդ պայմանավորվածությունն արդեն սկսի աշխատել գործնականում մեր Օդատիեզերական ուժերի, ԱՄՆ Ռազմաօդային ուժերի եւ նրանց ղեկավարած կոալիցիայի գործողությունների տեսքով»,– ասել է Լավրովը։
Նախարարը նշել է, որ եթե կյանքի կոչվեն Մոսկվայում բանակցությունների ժամանակ ձեռք բերած պայմանավորվածությունները, այդ ժամանակ հնարավոր կլինի ապահովել նորմալ ընդդիմադիրներին ԻՊ–ի եւ «Ջաբհաթ ան Նուսրայի» ահաբեկիչներից տարբերակելը։