ԱՄՆ–ը հայտարարում է, որ կարող է տարբերակել Սիրիայում ընդդիմությանն ու ահաբեկչական խմբավորումներին, բայց դա Վաշինգթոնին դեռ չի հաջողվում։ Այս մասին ասել է ՌԴ արտգործնախարար Սերգեյ Լավրովը՝ մեկնաբանելով ԱՄՆ պետքարտուղար Ջոն Քերրիի հետ բանակցությունների արդյունքները, փոխանցում է «ՌԻԱ Նովոստի»–ն։
«Պետքարտուղաև Քերրիի հետ մենք առաջին հերթին քննարկել ենք Սիրիայում տիրող իրավիճակը, հուլիսի 15-ին պետքարտուղարի՝ Մոսկվա կատարած այցի ժամանակ ձեռք բերած պայմանավորվածությունների իրականացումը»,– ասել է Լավրովը։
Նրա խոսքով՝ պայմանավորվածությունները վերաբերում են այն գործնական քայլերին, որոնք անհրաժեշտ է ձեռնարկել ահաբեկիչների դեմ արդյունավետ պայքարելու համար։
«Որպեսզի մենք չբախվենք այնպիսի իրավիճակների, երբ ահաբեկիչների հսկողության տակ գտնվող տարածքներում մնան այսպես կոչված չափավոր ընդդիմադիրներ, որոնք միաժամանակ ցանկանում են մասնակցել մարտական գործողությունների դադարեցման ռեժիմին եւ ապահովել այդ ռեժիմն, առանց ԻՊ–ին եւ «Ջաբհաթ ան Նուսրային» ճնշելու գործընթացին վնաս հասցնելու։
Մենք դեռ տեսնում ենք, որ մեր ամերիկացի գործընկերը տարեսկզբին մեզ վստահեցնում էին, ոչ կարող են տարբերակել ընդդիմությանը, որոնց հետ համագործակցում են, եւ ահաբեկչական խմբերին, սակայն մինչեւ հիմա դա նրանց չի հաջողվել»,– ասել է Լավրովը։