Ռուսաստանից Թուրքիա զբոսաշրջային հոսքը վերականգնելու հնարավորությունը կմշակվի մինչեւ օգոստոսի 9-ը՝ նախագահներ Վլաադիմիր Պուտինի ու Ռեջեփ Թայիփ Էրդողանի հանդիպման նախօրեին: Դրա համար Թուրքիա է մեկնելու «Ռոստուրիզմի» ղեկավար Օլեգ Սաֆոնովը: Այս մասին հայտնել է տնտեսական զարգացման նախարար Ալեքսեյ Ուլյուկաեւը, որը երեքշաբթի այդ հարցը քննարկել է Թուրքիայի էկոնոմիկայի նախարար Նիխատ Զեյբեկչիի հետ: Ուլյուկաեւի խոսքով «սա հեշտ հարց չէ»:
«Մենք պետք է ունենանք մեր քաղաքացիների անվտանգության երաշխիքներ, քանի որ նրանք վտանգի են ենթարկվում հայտնի իրադարձությունների ու ահաբեկչական հարձակումների կապակցությամբ»,- ասել է նախարարը: Նրա խոսքով առաջարկները կձեւակերպվեն նախագահների հանդիպման նախօրեին:
Մեկ այլ սուր հարցի՝ պարենամթերային էմբարգոյի չեղարկմանն լուծման համար ավելի շատ ժամանակ կպահանջվի: «Մենք ասել ենք, որ դա փուլային ու պարիտետային գործընթաց է Ոչ միայն մեր թուրք գործընկերները հարցեր ունեն իրենց գյուղապրանքների մուտքը ռուսական շուկա ապահովելու առումով, այլեւ մենք հարցեր ունենք մեր թուրք գործընկերներին: Դա վերաբերում է եւ թռչնամսին, եւ կաթնամթերքին, ու մենք հույս ունենք լուծել այդ հրացերը երկկողմանի այլ ոչ թե միակողմանի կարգով»,- ասել է Ալեքսեյ Ուլյուկաեւը