Հայաստանի արժեթղթերի շուկայում արտաքին ներդրողների համար ռիսկի դիմաց առավել քան բավարար դրամական պարգեւատրություններ են գործում: Այս մասին NEWS.am – ի թղթակցին ասել է Հայաստանի Nasdaq OMX Armenia ֆոնդային բորսայի գլխավոր տնօրեն Կոնստանտին Սարոյանը:
Գնահատելով ՝ արժե մտնել նոր զարգացող շուկա թե ոչ, օտարերկրյա ներդրողները ուշադրություն են դարձնում այն բանից վրա, թե ինչպես են «ծածկվում» հնարավոր ռիսկերը, այդ թվում արտարժութային: Դա կամ հեջավորումն է կամ, դրա բացակայության դեպքում, ռիսկի դիմաց պարգեւատրությունը: Հիմա այն Հայաստանում միանգամայն համարժեք է, հավելել է Սարոյանը:
Եվ այսպես, եթե խոսենք արժութային ռիսկերի մասին, ապա վերջին 5 տարում դրամի արժեզրկումը միջինը չի գերազանցել տարեկան 5 տոկոսը: Բնականաբար եղել են նաեւ ուժեղ տատանումներ, ինչպես 2014-ի վերջին, բայց պարտատոմսերի նկատմամբ պետք է ավելի երկարատեւ ժամկետներն ու միտումները գնահատել, շեշտել է Սարոյանը:
Այդ դեպքում, եթե հաշվի առնենք, որ հայկական դրամով պարտատոմսերի շահութաբերությունը կազմում է տարեկան 13-14 տոկոս, ապա դրանցից 5 տոկոսային կետը ՝ արժութային ռիսկի դիմաց պարգեւատրությունն է: Այսպիսով հայկական շուկայում ( որտեղ նման ռիսկ չկա, ու ռիսկի դիմաց պարգեւատրություն պետք չէ) դոլարային պարտատոմսերի շահութաբերությունը կարող է կազմել (եւ իրականում հիմնականում կազմում է –խմբ.) 7-8 տոկոս, ցուցանիշ, որը մոտ է սուվերեն եվրապարատոմսերին, որոնք 7-7.5 տոկոսի շրջանում են գնահատվում, հավելեց Սարոյանը:
Նկատենք, որ Հայաստանում դոլարային պարտատոմսերը 5-6 տոկոսային կետով ցածր են գնահատվում, քան դրամայինը ( այսինքն դոլարային պարտատոմսերը համարվում են ավելի հուսալի):
