Ադրբեջանը Թուրքիային է դիմել խնդրանքով՝ նպաստել երկրում գործող ընդդիմադիր քարոզիչ Ֆեթուլլահ Գյուլենի կողմնակիցների ֆինանսավորման աղբյուրները բացահայտելու քննությանը: Այս մասին նշված է Ադրբեջանի ԱԳՆ, գլխավոր դատախազության եւ պետանվտանգության ծառայության համատեղ հայտարարության մեջ:
«Եվրոպական կոնվենցիայի պահանջների համաձայն՝ Թուրքիայի գլխավոր դատախազին միջնորդություն է ներկայացվել այդ երկրի տարածքում քննչական գործողություններ իրականացման մասին՝ բացահայտելու համար Ադրբեջանում գործող քարոզիչ Ֆեթուլլահ Գյուլենի շարժման կողմնակիցների արտասահմանյան կապերը, նրանց ֆինանսավորման աղբյուրները»,- նշված է հայտարարության մեջ:
Ավելի վաղ հաղորդվել էր, որ Ադրբեջանի պետանվտանգության ծառայությունը քաղաքացիների խումբ է ձերբակալել, որոնք ենթադրաբար կապ ունեն Ֆեթուլլահ Գյուլենի շարժման հետ: Անկարան Գյուլենին մեղադրում է Թուրքիայում իրականացված պետական հեղաշրջման փորձի մեջ: