ԱՄՆ-ն Դամասկոսին քիմիական զենքի հետ կապված պահանջներ ներկայացնելու փոխարեն պետք է կատարի այն, ինչը խոստացել է՝ սահմանազատել սիրիական ընդդիմությանն ահաբեկիչներից: Այս մասին հայտարարել է Ռուսաստանի ԱԳ նախարար Սերգեյ Լավրովը՝ անդրադառնալով ԱՄՆ առաջարկին, որպեսզի ՌԴ-ն ու Իրանը պատասխանատվության կանչեն Սիրիային քիմիական զենք կիրառելու համար:
«Նրանք պետք է նայեն իրենց հայելու մեջ եւ կատարեն այն, ինչ խոստացել են դեռ հունվարին՝ սահմանազատել ընդդիմությանը ահաբեկիչներից: Նրանք դա անել չեն կարող. կամ ի վիճակի չեն, կամ չեն ուզում: Հետեւաբար թող իրենց վրա ուշադրություն դարձնեն»,-ասել է Լավրովը:
Ավելի վաղ Սպիտակ Տունը վկայակոչելով ԱՄՆ ազգային անվտանգության խորհրդի ներկայացուցիչ Նեդա Փրայսին, հայտնել էր, որ ԱՄՆ-ը կոչ է անում Իրանում եւ Ռուսաստանին մասնակցել «Սիրիային պատասխանատվության կանչելու» փորձերին՝ քիմիական զենք օգտագործելու համար: