Էկվադորում, Մանաբի նահանգի տարածքում 5.2 մագնիտուդով երկրաշարժ է գրանցվել: Տեղի իշխանությունների ներկայացուցիչները հայտնել են, որ երկրաշարժի հետեւանքով փլուզումների կամ տուժածների մասին տեղեկություններ դեռ չեն ստացվել:
Էկվադորի Երկրաբանական ինստիտուտի տեղեկություններով երկրաշարժի էպիկենտրոնը 3.89 կմ խորության վրա է եղել ՝ Ռոկաֆուերտե տեղանքում: Տարերքը ուժեղ տագնապ է առաջացրել Մանաբիի բնակչության շրջանում, որտեղ ապրիլի 16-ին 7.8 մագնիտուդով հզոր երկրաշարժ է եղել, որի հետեւանքով 673 մարդ է զոհվել:
