Ռուսաստանի Տրանսպորտի նախարարությունը հայտնել է, որ օգոստոսի 27-ից Թուրքիա չարթերային թռիչքների վերականգնման մասին խոսելը վաղաժամ է, հայտնում է «ՌԻԱ Նովոստին»:
«Թռիչքների վերականգնման մասին խոսելը վաղաժամ է, քանի որ դեռ չի ընդունվել կառավարության համապատասխան որոշումը»,- ասվում է հաղորդագրության մեջ:
Ավելի վաղ հայտնել էին, որ ռուսական այն ավիաընկերությունները, որոնք ուզում են Թուրքիա չարթերային թռիչքներ կատարել, օգոստոսի 27-ից կարող են Ռոսավիացիա ներկայացնել թռիչքների իրականացման հայտեր: Ռուսաստանի տրանսպորտի նախարարությունը կառավարությանը ներկայացրել է որոշման նախագիծ՝ Թուրքիա չարթերային թռիչքների սահմանափակումները վերացնելու մասին:
