Օգոստոսի 30-ին նշվում է Բռնի անհետացումների զոհերի միջազգային օրը:
Բռնի անհետացումներն ահաբեկչության մաս են կազմում եւ, ՄԱԿ-ի Գլխավոր վեհաժողովի փորձագետների կարծիքով, գլոբալ խնդրի են վերածվել:
Նախկինում նման դեպքերն ասոցացվում էին բռնապետական ռեժիմների հետ, բայց այսօր դրանք տեղի են ունենում ամենատարբեր իրավիճակներում, հատկապես՝ ներքին հակամարտությունների ժամանակ, որպես քաղաքական ընդդիմախոսներին ճնշելու միջոց:
Բռնի անհետացումների խնդրով ակտիվորեն զբաղվում է Amnesty International միջազգային իրավապաշտպան կազմակերպությունը: Ավանդաբար այդ օրը կազմակերպությունը դիմում է երկրների կառավարություններին՝ կոչ անելով հնարավոր բոլոր քայլերը ձեռնարկել՝ այդ պրակտիկան արմատախիլ անելու համար:
