Վրաստանի պարենամթերքի ազգային գործակալությունը Մառնեուլիում դադարեցրել է այն ռեստորանի աշխատանքը, որտեղ տեղի է ունեցել զանգվածային թունավորում, հայտնել են գերատեսչության մամուլի ծառայությունից: Ավելի քան 180 մարդ, այդ թվում մոտ 30 երեխա, թունավորվել էին Մառնեուլի շրջանի Սադախլո գյուղում հարսանիքի ժամանակ, հայտնում է «Սպուտնիկ Վրաստան»-ը
Ռեստորանը պատկանում է Սամիր Կարաջաեւին: Ռեստորանում անցկացված ստուգումների արդյունքում հայտնաբերվել են խախտումներ, որից հետո Կարաջաեւը տուգանվել է, իսկ ռեստորանը՝ փակվել: Գործակալության մասնագետները ուսումնասիրում են ռեստորանում գործածվող մթերքները: Թունավորվածների վիճակը հիմա կայուն է, նրանց մեծ մասը դուրս է գրվել հիվանդանոցից ու տանն է շարունակում բուժումը:
