Կոտայքի մարզում ցանկանում են կառուցել ոսկու հանքաքարի հարստացման նոր ոչ մեծ ֆաբրիկա: Ինչպես NEWS.am-ի թղթակցին հայտնեց «Մեղրաձոր-Գոլդ» ՍՊԸ գլխավոր տնօրեն Վարդան Մարգարյանը, նախատեսվում է ամսական 15-20 կգ ոսկու խտանյութ թողարկել: Նրա խոսքով՝ բարենպաստ հանգամանքների դեպքում ֆաբրիկայի շինարարությունը նախատեսում է ավարտել այս տարի:
Ընկերությունը շահագործում է Մեղրաձորի ոսկու հանքավայրը (Լուսաջուրի հատվածից բացի, որը պատկանում է նախկին պատգամավոր, ձեռնարկատեր Տիգրան Արզաքանցյանին): Ըներությունը ներկայումս իր հանքաքարը (ամսական մոտ 5 հազար տոննա) ուղարկում է Արարատի ոսկու կորզման ֆաբրիկա, որը պատկանում է «ԳեոՓրոմայնինգ» ռուսական կոնցեռնին:
