Մեծ Բրիտանիայի թագուհին որոշել է Բուքինհեմյան պալատում ավանդաբար անցկացվող ամանօրյա պարահանդեսն այս տարի չանցկացնել: Պատճառը թագավորական ընտանիքի ֆինանսական խնդիրներն են:
«Թագուհին հասկանում է, որ Մեծ Բրիտանիան բախվել է տնտեսական ճգնաժամի ծանր հետեւանքների հետ: Այդ պատճառով էլ որոշվել է, որ պալատի ներկայացուցիչներն այս տարի տոնակատարություն չեն կազմակերպի», - ասել է Բուքինհեմյան պալատի ներկայացուցիչը:
АР-ն հաղորդում է, որ տոնական միջոցառումներին պետք է մասնակցեին մոտ 600 պալատականներ եւ հյուրեր: Ընդհանուր ծախսը կազմելու էր 80 հազար դոլար: