ՌԴ նախագահ Վլադիմիր Պուտինը երկրում կայացած խորհրդարանական ընտրությունները որակել է որպես ռուսաստանցիների կողմից տրված ավանս, որը պետք է վաստակել, փոխանցում է «ՌԻԱ Նովոստի»–ն։
«Ընտրությունների արդյունքները, կրկնում եմ, լավն են, բայց դա մեր ժողովրդի կողմից ընդամենը ավանս է, եւ այն պետք է վաստակել։ Ես հույս ունեմ, որ կառավարությունը եւ նոր խորհրդարանը, միավորելով ջանքերը, կաշխատի իմ նշած նպատակներին հասնելու ուղղությամբ եւ առաջին հերթին՝ ի պաշտպանություն Ռուսաստանի քաղաքացիների շահերի»,– ասել է Պուտինը։
Նրա խոսքով՝ կարելի է ասել, որ «Եդինայա Ռոսիա» կուսակցությունը լավ արդյունք է գրանցել։
«Մի քանի բառ Պետդումայի ընտրությունների մասին, որոնք տեղի են ունեցել սեպտեմբերի 18-ին։ Առաջին հերթին, ուզում եմ շնորհակալություն հայտնել քաղաքացիներին, որոնք եկել են ընտրատեղամաս եւ իրենց վերաբերմունքն են հայտնել կատարվող իրադարձությունների նկատմամբ։ Իշխող քաղաքական ուժի՝ «Եդինայա Ռոսիա»–ի համար սա լավ արդյունք էր»,– ասել է ՌԴ նախագահը։