ԱՄՆ–ը համաշխարհային ժանդարմի դերի միակ թեկնածուն է։ Այս մասին The Wall Street Journal–ում ասել է ՆԱՏՕ–ի նախկին գլխավոր քարտուղար, Ուկրաինայի նախագահի խորհրդական Անդերս Ֆոգ Ռասմուսենը։
Ռասմուսենն առանձնացրել է ժամանակակից աշխարհի խնդիրները, որոնց թվում՝ Մերձավոր Արեւելքում պատերազմը, Աֆրիկայի հյուսիսում ահաբեկչության տարածումը, Ուկրաինայի արեւելքում ճգնաժամը, Հարավչինական ծովի շրջանում լարվածությունը, Հյուսիսային Կորեայի կողմից եկող սպառնալիքը։ Նրա կարծիքով աշխարհին անհրաժեշտ է «ոստիկան», որը կարգուկանոն կհաստատի եւ կմարի հակամարտությունների կրակը։
«Միակ կարողունակ, հուսալի եւ ցանկալի թեկնածուն ԱՄՆ–ն է»,– գրում է ՆԱՏՕ–ի նախկին գլխավոր քարտուղարը։
Նրա կարծիքով միայն ԱՄՆ–ն է վայելում բավարար վստահություն, որպեսզի լուծի ներկայիս խնդիրները։ Ռուսաստանը տարված է երբեմնի կայսրության վերականգնման գաղափարով, Չինաստանը տարածաշրջանային խաղացող է մնում, իսկ Եվրոպան թույլ է, բաժանված եւ չունի առաջնորդ, գրում է Ռասմուսենը։