«Սասնա ծռեր» խմբի անդամ Արայիկ Խանդոյանը չի համարում, որ պարտվել է Ծաղկահովիտի ընտրություններում: Այս մասին NEWS.am-ի հետ զրույցում ասաց նրա պաշտպան Արայիկ Պապիկյանը:
«Ինքն ասաց, որ այս ընտրությունները, որոնց ժամանակ եղան ճնշումներ, ընտրակաշքներ, եւս մեկ անգամ ապացուցեցին, որ ներկա իշխանությունների պայմաններում ընտրությունների միջոցով անհնար է փոփոխության հասնել: Միեւնույն ժամանակ ասաց, որ 260 մարդ ոչ ասաց ստրկությանը եւ ընտրեց ազատությունը»,- ասաց Արայիկ Պապիկյանը:
Պաշտպանի խոսքով՝ Խանդոյանն ասել է՝ իր համար սպասելի էր նման ելքը, իշխանությունները չէին թույլ տա, որ ինքը հաղթանակ տանի:
ԾԱղկահովիտի ընտրություններում Արայիկ Խանդոյանը ստացել էր 257 քվե:
Արայիկ Խանդոյանին մեղադրանք է Քրեական օրենսգրքի 218 հոդվածի 3-րդ մասի 1-ին կետով (պատանդ վերցնելը) եւ 235 հոդվածի 3-րդ մասով (ապօրինի զենք զինամթերք ձեռք բերել, իրացնել, պահել, փոխադրել):
