Աշխարհի հայերը «ոչ» են ասում ընտրությունների արդյունքների կեղծմանը: Այս մասին սեպտեմբերի 26-ին խորհրդարանում հայտարարել է «Ժառանգություն» խմբակցության պատգամավոր Զարուհի Փոստանջյանը՝ մեկ օրվա ընթացքում արդեն երկրորդ անգամ անդրադառնալով Հայաստանում արդարության վերականգնման համար համացանցում հրապարակված հանրագրին:
«Հայաստանի Հանրապետության կառավարության կառուցվածքի մասին» օրենքում փոփոխություններ կատարելու օրինագծի քննարկման ժամանակ նա կարդացել է այն հայտարարությունը, որի ստորագրահավաք է սկսվել.
«Մենք «ոչ» ենք ասում համակարգված կոռուպցիային, մենաշնորհների կամայականությանը, դատական վոլյունտարիզմին, ոստիկանական դաժանությանը, ընտրական կեղծարարությանը: Մենք «այո» ենք ասում օրենքի առաջ հավասարությանը, մարդու իրավունքների պաշտպանությանը, արդար ընտրություններին, իշխանության ճյուղերի բաժանման արդարացի աշխատավարձերին, ազատ մամուլին, ճնշվածների պաշտպանությանը:
Ինչպես համաշխարհային հայ համայնքը, մենք կցանկանայինք, որպեսզի Հայաստանի առաջնորդները մարմնավորեին դիվանագիտությունը, արդյունավետությունը, Հայաստանի ժողովրդի խնդիրների հանդեպ սրտացավությունը եւ նրա ապագայի տեսլական ունենալու կարողությունը»: