Հայաստանի ԱԻՆ-ում, սեպտեմբերի 28-ին, ժամը 21,08-ին ահազանգ է ստացվել, որ Երեւանի Կ. Ուլնեցի եւ Դ. Անհաղթ փողոցների խաչմերուկում տեղի է ունեցել ավտովթար, կան տուժածներ. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ բախվել են «Audi A8» մակնիշի 34 UM 391 պ/հ (վարորդ ` 50-ամյա Ա. Ե.) եւ «Nissan Latio» մակնիշի 34 MN 811 պ/հ (վարորդ` 39-ամյա Հ. Հ.) ավտոմեքենաները:
«Nissan Latio» մակնիշի ավտոմեքենայի ուղեւոր` 60-ամյա Գ. Հ.-ը հոսպիտալացվել է «Հերացի» թիվ 1 հիվանդանոցային համալիր, որտեղ ստանալով համապատասխան բուժօգնություն` դուրս է գրվել:
Փրկարարները հոսանքազրկել են ավտոմեքենաները եւ փակել գազի բալոնների փականները:
