Կառավարությունում պետական գնումները չպետք է անջատ լինեն: Այս մասին սեպտեմբերի 29-ին կառավարության նիստում ասել է վարչապետ Կարեն Կարապետյանը: Նա կառավարության աշխատակազմի ղեկավար-նախարար Դավիթ Հարությունյանին հանձնարարեց ներկայացնել առաջարկներ, թե որ ապրանքները եւ ծառայություններն են նպատակահարմար գնել կենտրոնացված կարգով (ֆոտոռեպորտաժ):
Այս կապակցությամբ Կարապետյանը հանձնարարեց քննարկել նախարարություններին եւ գերատեսչություններին կից ծրագրերի իրականացման գրասենյակների գոյության նպատակահարմարությունը: Հիմնականում դրանք գործում են արտասահմանյան վարկային ծրագրերի իրականացման համար, որոնց շրջանակներում պետգնումներ են իրականացնում: «Անհրաժեշտ է մեկ շաբաթվա ընթացքում քննարկել սպրոտի, արտակարգ իրավիճակների, մշակույթի եւ քաղաքաշինության նախարարություններում այդ կազմակերպություններրի ցրման հարցերը: Մենք պետք է գնումների միասնական հարթակ ունենանք, իսկ նախարարությունները պետք է այդ կառույցի միջոցով գնումներ պատվիրեն»,- նշել է Կարապետյանը: