Սիրիայում իրավիճակը կարող է քննարկման դրվել հոկտեմբերի 26-27-ին Բրյուսելում ՆԱՏՕ-ի պաշտպանության նախարարների հանդիպմանը: Այդ մասին ՏԱՍՍ-ին հայտնել է Բրյուսելում դաշինքի երկրներից մեկի առաքելության ներկայացուցիչը: ՆԱՏՕ-ի գլխավոր շտաբից հաստատել են հոկտեմբերի 26-27-ին պաշտպանության նախարարների հանդիպման անցկացումը, սակայն հրաժարվել են որեւէ մեկնաբանություն անել օրակարգի վերաբերյալ` հայտնելով, որ այն ձեւավորման փուլում է:
Աղբյուրի խոսքով, այդ հանդիպմանը կքննարկվեն նաեւ «ՆԱՏՕ-ի ընթացիկ գործողությունները, ինչպես նաեւ Վարշավայում գագաթնաժողովի (այս տարվա հուլիսի 8-9-ին) որոշումների կատարման հարցեր, որոնք վերաբերում են ռոտացիոն սկզբունքով չորս բազմազգ գումարտակների տեղայակմանը դաշինքի արեւելյան թեւում»: Այդ գումարտակները, թվով մոտ հազար մարդ յուրաքանչյուրը, պետք է հաջորդ տարվա սկզբից տեղակայվեն Մերձբալթիկայի եւ Լեհաստանի երկրներում:
