Հալեպում զոհված հայերի թիվը ավելացել է: Հիվանդանոցում մահացել է Հասմիկ Կիրակոսյան- Փերեչիկլյանը՝ բժիշկներին չի հաջողվել փրկել նրա կյանքը:
Ավելի վաղ տեղեկացրել էինք, որ վաղ առավոտից ահաբեկիչները գնդակոծում են Հալեպի Նոր գյուղ ու Վիլլաներ հայաբնակ թաղամասերը, ինչի հետեւանքով զոհվել է երեք հայ: Սիրիայում հրատարակվող «Գանձասար» թերթի տվյալներով զոհվածներն են Արման Հինտոյանը եւ Ծիլա Ճապաղջուրյան, եւս մեկ զոհված կնոջ ինքնությունը դեռ չի պարզվել:
Թերթի տեղեկություններով վիրավորում է ստացել վեց հայ՝ Գառնիկ Կարապետյանը,Միրեյ Հինտոյանը, Ծովիկ Գապիքյանը, Փեթի Լախոյան-Հինտոյանը,Մովսես Հինտոյանը, Նազար Զարմինյանը:
Զոհվածների ու վիրավորվածների մասին տվյալները այսօր թարմացվում են: